جمعه گونو 1392.7.5 مراغا ليگي چرچيوه سينده 5-جي هفته نين اويونلاريندان اميد تيمي ماراوا تيمي ايله اويندادئ كي سوندا 6-0 نتيجه سي ايله اوتدو.

بو اويون 1-جي ياريدا 3-0 حسابيله باشا چاتميشدئ. 2-جي ياريدا 3 گل وورولدو كي نهايت 6-0 حسابيله قورتولدو. 3 تير گل و بير عمقي گل پاسئ 4 دنه گؤزل گل لاردانيدئ. آمما بو اويون دا 3 نفر اويونچونون مئيداندا بير بيريله سؤزلشمه سي تيمه منفي نمره ساييلير كي حتما تيمين فني كادرئ بو ايشلردن و بو اويونچولاردان ساده كئچميه جك. بو اوتماقلا بيزيم تيم اؤز گروهوندان ايكينجي تيم آديندا يوخارئ گئتدي و گلن هفته امير كبير تيميله فينالا چاتماق اوچون اويناياجاقلار.

ايندي بيزيم تيم 3 اويوندو كي گل يئمه ييب و چوخ ياخشئ بير ركورد حسابلانير آمما گئنه ده دفاعدا كي ايشتيباه لاردان گؤز يومماق اولماز. گؤرك تيميميز گلن هفته او بيري گروهون بيرينجي تيمينين قاباقيندا دا (اميركبير) بو ركوردو ساخلايا بيلر. كي چوخ دا چتين ايش دئييل.

اويونون آماري:

                                                      ÜMİD                  Marava

Topa sahiblik              % 62                      % 38

Qol moqeiyəti               19                          7

Sarı kart                         1                            0

Qırmızı kart                    0                           0

Qurtarış                          6                           5

Şut (çərçivədə)           9(4)                     3(2

Pas (düz pas)           112(71)                29(15

Qol                                6                         0

 اويونچولارين نمره لري:

حجت هادوي: 2 دوز چيخيش و 2 گؤزل عكس العمل امتيازين 7 ائليه بيلر. آمما گئنه ده چيخيشلارينا دقت ائتمه ليدير.

يوسف حيدري: بو اويوندا سويوق ديمه سي واريدئ و بيراز خسته لنميشدي. 3 قورتاريش مثبت حسابلانسادا گئنه باشلاماقلارئ ايشكالليدير. 7 ياخشئ نمره دير بيله سينه.

ميلاد ملكي: گول و گول پاسئ نمره سين چوخالدير. ميلاد گئنه ده حمله دن دفاعايا گليب و توپ آلماسئ هميشه كي تكين ياخشيدئ. 7.5 وئرمك اولار.

احسان افتخاريان: چوخ انفرادئ توپ اوينايير و تيمدن چوخ اؤزونه فيكر ائلير. 4 دفعه موقعيتي ياراتماق يئرينه هدفسيز توپ ووردو. اويونو ضعيف ايدي و 5 وئرسك پيس اولماز.

ميلاد محبت: گئنه ده دئييريك چوخ چوخ ياواش توپ اوينور و اونا گؤره موقعيت لرده اؤزون توتونجاق، توپو الدن وئرير. آمما بو گون او پيس بارالايندان خبر يوخويدو. 5/5 ياخشيدير.

امير مقصودي: ---

علي شوقي: علي بو اويوندا احسانين اوستونه گلميشدي! پاس وئرميردي، يوبالديردئ و دريبل ووراندا توپو حريفه وئريردي. اخلاقينا دا چوخ دقت ائتمه ليدير... بئله قاباقا گئتمك اولماز. بير سارئ كارت آلماقئ 5/0 نمره آزالدار. 5/4 نمره سي اولار.

ميلاد رحيمي: نهايت كي ميلاد آياقئ گول وورماقا آچيلدئ. توپون كنترلوندا و پاس وئرمكده و دفاعدا چوخ موشكولو وار. 5/5 بيرازدا چوخدو.

مهدي جنگجو: بدني آماده دئييل و تئز يورولور. 2 دنه اضافه دريبل منفي و 1 تير گول وورماقئ مثبت ساييلير. 5/6 اولور.

محمد قدرت پور: بير اويون ياخشئ و بير اويون پيس اولور. 6 دنه ياخشئ حركت واريدئ. 5/6 نمره سي دير. آمما چاليشسا چوخ دا اولا بيلر.

طبقه بندی: Yazı،