احسان افتخاريان تيمين چوخ حاشيه لي و سسلي اويونچولاريندان بيريدي. احسان 2 جلسه تمرينلردن غايب اولاندان سونرا بو گونلر تمرينلره گلير و چوخ دا فرقلي بير احسان اولوب. اونا گؤره بير دانيشيق مجليسي قوروب و اونون سؤزلرين ائشيتديك:
سلام، نئجه سيز؟
سلام. ساغ اولون.
دانيشا بيلريك؟
حتما. بويورون.
سيز تمرينلره گلميرديز و دئييرديلر كي بعضي لرينن مشكليز وار؟ بونا گؤره توضيح وئريرسيز؟
مشكل كي واريدئ آمما كيمينن؟؟؟ من ائله بيليرديم كي كادر فني و 2 نفر اوشاقلاردان مننن مشكل لري وار و اونا گؤره ايستيرديم دا تيمدن گئدم. آمما سونرا بيلديم كي مشكلين چوخو منده دير آيرئ آدام دا يوخ.
نئجه يانئ؟
چوخ زامان آدام اؤزو ايشتيباه فيكر ائلير. من فيكر ائليرديم كي من چوخ ياخجيام و اوشاقلار مني چكميرلر. آمما ايندي بيلديم كي آدامين اؤز دوستلارئ هميشه ياخجيليغين ايستيرلر. دئييبلر كي "هر شئيين تزه سي دوستون كهنه سي". من حتي مربي لريمه ده همان نظريم واريدئ. ياخشئ دي كي داي كئچميشلردن دانيشماياق.
آمما هاممئ سيزين تيمين كادر فني سين تعريفلير؟ سن اؤزون بيلرسن كي هاردان هارا يئتيشميسن؟
بله. 100% اوجوردو. و من دئديم كي ايشتيباه فيكر ائليرديم.
سنين تيمده كي دوستلارين هميشه سندن حمايت ائله ييبلر...
منده بيليرم و دئييرم كي بوجور صميمي جمع هئچ يئرده اولماز.
مربيلرينن دانيشميسان؟ بوندان بويانا نجور اولاجاق؟
هن دانيشميشام. منيم بيراز مشكليم واريدئ و قرار اولوب مربيلرده كمك ائده و حل اولا. من سؤز وئرميشم كي فرقلي اولام و هميشه تيمين هاواسين ساخلايام.
قبول ائيليرسن كي چوخ خودخواه سان و هئچ واخت ايسته ميرسن سنه سؤز دئيه لر و ايسته ميرسن كي تعويض اولاسان؟
هن. آمما بيز تيميك و بير تيمده شايد بير اويون اويناياسان و شايد اويناماياسان. شايد آز اويناياسان شايد چوخ... بو طبيعي دير و بونو كادر فني تصميم توتور كي هر اويوندا كيملر اويناسين. هر كس اويونچو اولماق ايستير بونلاري قبول ائتمه ليدير. منده بونلارئ قبول ائيله ميشم و قالميشام. فقط من يوخ بلكه هاممئ بئله اولماليدير...
سون سؤز؟
بيز بعضا او بيري تيملري مربيلرين اوزونه چكيرديك. آمما ايندي بيلميشيك كي اوبيري تيملرين مجموعه سي نجوردو. بيزيم تيم چوخ دوز و فرهنگلي بير يئردي. بيزيم هاميميزين تعصب و فيكريميز اؤزوموز و تيميميزه اولماليدير... منده سؤز وئرميشم كي بوندان بويانا حاشيه سيز و تماما تيمين اختياريندا اولام.
سيزي ده ساغ اولون كي بو وقتي منيم اختياريمدا قويدوز...
اؤز هدفيزين يولوندا موفق اولاسيز.
طبقه بندی: Oyunculara gorə (درباره بازيكنان)،
.: Weblog Themes By Pichak :.