جمعه گونو 1392.7.19 مراغا ليگي چرچيوه سينده يارئ فينال مرحله سي اويونلاريندان اميد تيمي امير كبير تيمي ايله اويندادئ كي سوندا 6-3 نتيجه سي ايله اوتوزدو.
بو اويون 1-جي ياريدا بيزيم تيمين هميشه كي اويوندان خبر يوخويدو، دئمك اولار كي ائله بير دنه موقعيت ياراندئ و اونودا ميلاد ملكي گل ائيله دي و 3-1 حسابيله قورتولدو. 2-جي ياريدا بيزيم تيم بيراز اؤزونه گلدي و حمله لرين باشلادئ آمما گئنه فردي ايشتيباه لار تيمين نتيجه آلماماغينا باعيث اولدو، 5 گل وورولدو كي نهايت 6-3 حسابيله باشا چاتدئ. دوزدور كي حريفين خاص حركتي و موقعيت ياراتماسئ اولمادئ آمما 5 دنه فردي ايشتيباه بيزيم تيمين ائوين ييخدئ. احسان افتخاريان1 ، ميلاد ملكي1 ، ميلاد محبت1 ، مهدي جنگجو2 دنه ايشتيباهلارئ حريفه گل هديه وئردي.
بو اوتوزماقلا بيزيم تيم فينالا چاتمادئ و گلن هفته تربيت تيميله 3-جو يئري توتماق اوچون تسلي وئريجي اويون اويناياجاقلار.
اويونون آماري:
ÜMİD Əmir kəbir
Topa sahiblik % 54 % 46
Qol moqeiyəti 8 9
Sarı kart 0 0
Qırmızı kart 0 0
Qurtarış 4 5
Şut (çərçivədə) 2(0) 3(2
Pas (düz pas) 86(55) 69(51
Qol 3 6
اويونچولارين نمره لري:
حجت هادوي: گول چوخ يئسه ده هئچ بيرينده مقصر سايماق اولماز، 2 دنه قورتاريشئ مثبت حركت حسابلانير و امتيازين 7 ائليه بيلر.
ميلاد ملكي: 2 گول و بير گول پاسئ مثبت حركت حسابلانار آمما بير دنه گول باراسئ نمره سين آزالدار. 7 بيراز دا چوخدو.
احسان افتخاريان: گئنه ده چوخ انفرادئ توپ اوينادئ، چوخ دريبل وورماق ايستيردي كي هئچ بيرينده موفق اولمادئ. بير دنه مثبت ايشي تير گولو وورماق ايدي. بيراز اؤزونه گلمه ليدير، اويونو گون به گون داليا گئدير. 4.5 وئرسك پيس اولماز.
ميلاد محبت: 2 يا 3 دفعه حريفين پاسين كسدئ و توپلارين آلدئ، آمما تسلط و دوز پاس گؤرونمه دي. 5.5 نمره سي اولار.
امير مقصودي: چوخ قاچدئ و بيراز ياخشئ پاس واريدئ، حريف توتماسئ ضعيف ايدي و مفيد حركتي آز اولدو. 5.5 اولور.
مهدي جنگجو: 2 دنه باراسئ حريفه گول هديه وئردي. مهدي او اويونچولاردان دي كي هر دفعه اويونو ضعيفلير، و بو تمرينه آز گلمك نتيجه سي اولا بيلر. 4.5 اولار.
محمد قدرت پور: اويونو چوخ گؤزه گلمه دي آمما گول باراسئ اولمادئ، 2 دنه تير پاسيندان استفاده ائده بيلمه دي. 5.5 نمره سي اولار.
طبقه بندی: Yazı،
.: Weblog Themes By Pichak :.