30 مهم سؤز اويونچولارا (20 ايل مربي لرين تجربه سي)

1)    اگر 40% فوتبال استعداديز واز، چاليشساز گؤزل اويونچولاردان بيري اولارسيز.

2)    گونده تمرين ائيله يين، گونده ليك تمرين اويونوزو قاباقا آپارار.

3)    اختصاصي تمرين لر تئز هدفه چاتديرار.

4)    تمرين دن سونرا ائوه گئديب و استراحت ائدين.

5)    تمرين دن سونرا قندي ماده لر يئيين.

6)    تمرين دن سونرا، يويونماقئ اونوتمايين.

7)    تمرين ده فيكرينيز فقط تمرين ده اولسون و آيرئ شئيلره فيكر ائيله مه يين.

8)    ايستيرسيز قاباقا گئده سيز، مغرور اولمايين و سيزي تعريف ائدنده اؤزونوزدن چيخمايين.

9)    آدديم آدديم قاباقا گئدين، چوخ بؤيوك و ال چاتماز آرزولاريز اولماسين. اولده چاليشين اؤز تيميزده ياخشئ اويونچو اولاسيز.

10)   تيمين مربي لري و مسئوللارينين حتما احترامين ساخلايين.

11)    تيمده كي دوستلاريزين موفق اولماقينا پاخيل اولمايين، اونلارينان رقابت ائدين.

12)    تمرينده دانيشمايين، داور و دوستلاريزا اعتراض ائيله مه يين.

13)     وسايل و پالتارلاريزئ تميز ساخلايين.

14)     بعضي معنوي و ملي ارزشلره باغلئ اولون.

15)    مصدوم اولاندا تئز مئيدان دان چيخين و ائشيكده درمان ائدين.

16)     مصدوم اولاندا ائوده قالمايين، تمرينه گئدين و اختصاصي تمرين ائدين.

17)     مربي نين چيغيرماسيندان (حتي توهين) ناراحات اولمايين، مربي سيزين صلاحيزي ايستير.

18)     چاليشين فوتبالئ تك ضرب اوينايين و تك روي ائتمه يين. (حتي ضعيف تيمين قاباقيندا)

19)     تمرينده و اويوندا چوخ قاچين و بير لحظه ده تلاشدان قالمايين.

20)    هانسئ تكنيك ده ضعيف اولساز آيرئ و اختصاصي تمرين لر ايله اونو ياخشيلادين.

21)   دوست بازليق و خياباندا وقتيزي كورلاماق داليجا اولمايين. اوجور اولساز بيلين كي فوتبالدا بير يئره چاتماياجاقسيز.

22)    اويوندا خشونت اولدو، اركؤون اولمايين و حيرسله نمه يين.

23)     آتا و آنانيزا حؤرمت ائدين و ايشلرده اولارا كمك ائيله يين.

24)     سالم و حاشيه سيز ياشايين. باشيزين توكلرين مرتب و قيسسا ساخلايين.

25)     درسيزي حتما اوخويون. بيلين كي گله جكيز (آينده) درس اوخوماقا باغليدير.

26)      فوتبالدا چوخ آدام سيزي سوستالدار. سؤزلرين ائشيتمه يين و ايشيزي گؤرون.

27)     هميشه آرام، ادبلي اولون. تئز داشمايين.

28)      فيكر ايئله مه يين فوتبالدا معروف و پوللو اولماليسيز. فوتبالا ساغلامليق (سلامتليك) گؤزو ايله باخين.

29)    گئجه لر تئز ياتين و صوبح لر تئز يوخودان دورون. سحر چاغئ 15 دقيقه ورزش ائدين.

30)   يئمكينيزه چوخ دقت ائدين.

طبقه بندی: Yazı،