4شنبه گونو 1392.7.3 اميد و اطلس تيملري بير دوستلوق اويون اويناياجاقيديلار كي اطلسين حاضير اولماديغينا  گؤره اميد تيمي موبايل حامد تيمي ايله (نوجوانانين قهرمانئ) بير دوستلوق اويونو اوينادئ كي سوندا اميد 3،4 گل اختلافينان اوتدو.

بو اويون 3 دنه 20 دقيقه زامانيندا اويناندئ.

 اويونچولارين نمره لري:

حجت هادوي: 3 دنه ياخشئ قورتاريشئ اولسادا 2 دنه پيس گل يئدي و 1 پيس چيخيشئ واريدئ. 6 آلار.

يوسف حيدري: 4 دنه ياخشئ قورتاريشئ اولدو و 1 باغلئ زاويه دن گل يئدي كه قاباقچئ اويونلارا گؤره ياخشيلاشير. نمره سي 5/7 اولا بيلردي آمما 1 ايشتيباهئ اونون نمره سين 7 ائلير.

ميلاد ملكي: چوخ گؤزه چارپان اويون اوينامادئ آمما 3 گؤزل گل پاسئ نمره سين ياخشيلادير. 7 وئرسك آز اولماز.

احسان افتخاريان: انفرادئ حركتلرده چوخ ياخشئ اولسادا تيمي حركت لرده بيراز فيكيرلي اولماليدير. اويونو يوباتماقينان تيمين سرعتين آزالدير. 5/6 ياخشئ نمره دير.

ميلاد محبت: دفاعدا 1 دنه چوخ پيس ايشتيباهئ اولدو و 2 دنه پيس پاس واريدئ. بيراز سرعتي آزدئ. آمما كئچن اويونا گؤره بيراز ياخشيدئ. 5 اولار.

امير مقصودي: تك ضرب اويناماقدا بيراز اشكالليدير، ياخشئ يئرلردن توپ آلير آمما گئنه ده تسلط آزدئ. 1 دنه چاتمايان پاس نمره سين آزالتماسادا، منفي حساب اولونا بيلر. 5/6 ياخشئ نمره اولا بيلر.

علي شوقي: بو دا چوخ گؤزه چارپان اويون اوينامادئ، بيرايكي دنه حركتي اولدو آمما نتيجه يه چاتمادئ. نمره وئرمك بيراز چتين اولور.

ميلاد رحيمي: 2،3 دنه ياخشئ پاس مثبت حسابلانار. كئچن اويونا گؤره وضعيتي بيراز ياخشيدئ. 5/5 آلار.

مهدي جنگجو: گؤيده كي (هوايي) توپلاردا چوخ مشكلي وار، ساده دريبل يئيير و سرعت ده كي آزدئ. هميشه كي ياخشئ پاسلاريندان خبر يوخويدو. اويونو بيله ميزي راضي ائلير آمما چوخ ياخشئ دئييلدي. 6 وئرسك بيراز دا چوخدو.

محمد قدرت پور: حركت لري، توپ آلماسئ و پاسلارئ ياخشيدير آمما تئز يورولماقئ فيكرينه ده تاثير ائلير و اشتباهين چوخالدير. 5/6 اولار.

عليرضا فضلي: ياخشئ گونلريندن چوخ چوخ فاصيله سي وار، گلن توپلارا فقط باخير، عكس العمل لري چوخ ياواشلاشيب. تمرين ائله سه اوميد يئري وار. 5/4 بيله سينه پيس نمره اولماز.

سجاد عظيمي: بيرينجي اويونويدو كي اميد تيميندن اويناييردئ، چوخدان توپ اويناماييب، پاسلارئ ياواش و شوتلري دقت سيز، آمما حريفدن توپ آلماسي گؤزل ايدي. 5/5 ياخشئ نمره دير بيله سينه.