جمعه گونو 1392.6.29 مراغا ليگي چرچيوه سينده 3-جو هفته نين اويونلاريندان اميد تيمي شاهين تيمي ايله اويندادئ كي سوندا 10-0 نتيجه سي ايله اوتدو.

بو اويون نيمه1 ده 4-0 نتيجه ايله باشا چاتدئ و چوخلو موقعيت لر  اولدو آمما گئنه ده اميدين تيكي تاكا اويونوندان خبر يوخويدو. نيمه2 ده اميد تيمي تزه سيستم اويونون گؤرستدي كي ياخشئ اولماسا دا، پيس دئييلدي، ائله بيل مربي لرده راضي اولموشدولار. اويون سوندا 10-0 حسابيله قورتولدو.

اويونون آماري:

                                                     ÜMİD                    Şahin

Topa sahiblik              % 74                      % 26

Qol moqeiyəti               19                          3

Sarı kart                         0                            0

Qırmızı kart                    0                           0

Qurtarış                          2                           3

Şut (çərçivədə)           13(6)                     2(1

Pas (düz pas)           153(114)                43(20

Qol                                10                         0

 اويونچولارين نمره لري:

حجت هادوي: چوخ فيشارا دوشمه دي اونا گؤره نمره وئرمك اولمور. آمما 2 دنه اشتباه چيخيشئ واريدئ.

يوسف حيدري: چوخ فيشارا دوشمه سه ده 2 دنه ياخشئ قورتاريشئ اولدو. هله ليك 6 وئريلير.

ميلاد ملكي: نفس دن آز گتيرسه ده چوخ چاليشدئ،2 دنه موقعيت كورلادي. 7 نمره سي اولور.

احسان افتخاريان: بونوندا هم نفس آزدئ همده كي ياخشئ گونلريندن فاصيله سي وار. 7 آلير. اخلاقئ ياخشئ لاشيب بيرازدا حاشيه سين آزالتسا فيكري اويوندا اولسا نمره سي چوخ دا اولا بيلر.

ميلاد محبت: دفاعدا 4 دنه چوخ پيس ايشتيباهئ اولدو. يا فيكري باشيندا دئييلدي يا دا يولون يورقونلوغو جانيندايدئ. نمره سي 4 اولار.

امير مقصودي: چوخ قاچسادا، اورتادا 2 دنه اشتباه پاس نمره سين آزالدير. بيراز توپونان چوخ دولانيردئ آمما تسلط يوخويدو. 5.5 وئرسك پيس نمره وئرمه ميشيك.

علي شوقي: بو گون بيراز فرقلئ اوينادئ، 1 تكنيكي گول و 2 دنه ياخشئ پاس واريدئ. ايشتيباهلارين گؤرمه سك 6.5 وئرمك اولار.

ميلاد رحيمي: بدنينين آماده اولماماقئ الينه ايش وئرير. 3 دنه تير پاسلارين وورانمادئ و 2 دفعه ده توپو حريفه وئردئ. 5 آلسا پيس آلماييب.

مهدي جنگجو: نيمه1 ايشتيباهئ چوخ اولسادا، نيمه2 بيراز ياخشئ لاشدئ، گول پاسئ و دوز پاسلارئ نيمه2 ده اونون نمره سين 6 ائليه بيلر.

محمد قدرت پور: ياخشئ گونلريندن چوخ چوخ فاصيله سي وار، نيمه2 دوزلسه ده آمما هله فاصيله سي چوخدو. 3 يا 4 گول ووردو آمما ايشتيباه لاريندان گؤز يومماق اولماز. 6 اولار.

 

طبقه بندی: ،